#Nazm - Ek Anjaan Shehar Ki Ek Anjaan Gali
Ek anjaan shehar ki ek anjaan gali me mai jaa baitha tha,
Kuch toh hai joh yaha tak mujhe le aaya hai,
Zehen me yeh aa baitha tha,
Fir kuch aisa hua mai hosh me naa raha,
Ek apsaraa saamne se jaa gujri aur yeh
Kambhakth dil mere paas naa raha,
Fir us anjaan shehar me usko paane ki khwaaish me,
Bas ek aakhiri dafa uske nazro se nazre milaane ki khwaaish me,
Dar-Badar mai awaara bhatakta raha,
Voh kahin toh hogi, kabhi toh milengi,
Isi aas me uski tamanna mai karta raha,
Fir kuch aisa hua,
Ek din voh nazro ke mere saamne aa hi gayi,
Fir uske nazro se mai apni aur nazar chura baitha,
Yaaron, mai fir ek dafa dil haar baitha,
Yaaron, mai fir ek dafa dil haar baitha.
~Naresh Nandanwar
No comments:
Post a Comment